1Pe 4 | PONPDN | STEP | ARI, pweki Kristus kamekame ki kitail ni pali uduk a, i me komail en pil ale on komail lamelam ota, pwe me kin kamekame ni pali uduk, muei saner dip.

1 Peter 4

1 ARI, pweki Kristus kamekame ki kitail ni pali uduk a, i me komail en pil ale on komail lamelam ota, pwe me kin kamekame ni pali uduk, muei saner dip. 2 Pwe a der poden dadaurata inon sued en aramas akan, a dadaurata kupur en Kot arain a memaur ni uduk. 3 Pwe a itarer, omail wiawia en mas duen lamalam en men liki kan, ni omail kekeid ni tiak sued, o inon sued, o sokolar, o kaped en mana, o kamom soko, o kaudoki on ani sakanekan. 4 I me re puriamuiki, me komail solar kin ian irail ni ar wia sued o kaped en mana, o lalaue. 5 A re pan weokadan i, me pan kadeikada me maur o me melar akan. 6 Pwe i me ronamau pil loloki on me melar akan, pwe irail en maurela. Ari so, ni pali war arail re lodi oner kadeik o duen a kin wiaui ren aramas akan, a ni pali nen arail re memaur duen kupwur en Kot. 7 A imwin meakaros me korendor, komail ari masamasan o nantion kapakap. 8 A met eta, komail dadaurata omail poke pena, pwe limpok kin pwaindi dip toto. 9 Komail apapwali men kairu o der lipalipaned. 10 Duen omail aleer omail pai en mak kan, iduen omail papa pene duen saunkoa mau en mak en Kot, 11 Ma amen pan wiada padak, a en wiada duen masan en Kot, e ma amen kin papa, a en papa duen Kot kotin kupurai on i a mana, pwe kapin en ko on Kot ni meakan karos, ren Iesus Kristus, me wau o manaman en ko on kokolata soutuk! Amen. 12 Kompok kan, komail der puriamuiki sonapa ’mail karakar, me pan lel on komail, pwen kasonson komail, der lamelame, me komail ta lel on mepuka. 13 A komail peren kida, pwe komail pwaisaneki en Kristus a kamekam, pwe ni a linan sansaldo, komail pil pan perenda kaualapia. 14 Komail meid pai, ma aramas pan kaurur kin komail pweki mar en Kristus! Pwe Nen en linan o en Kot kotikot re omail. 15 A sota amen re omail en kamekameki kamela aramas, de lipirap, de me wia sued, de kauntenkoma en aramas a wiawia kan. 16 A ma a kamekameki a saulan, a ender namenokki; a en kapina Kot ni mepukat. 17 Pwe a leler ansaun kamekam, me pan tapida san ni tanpas en Kot; a ma a tapida re ’tail, ia pan imwi en me sota poson ronamau en Kot? 18 A ma me apwal, en kamaureda me pun o, a ia wasa, me san Kot o me dipan akan pan pwaralan ia? 19 Ari, irail me kamekam pan kupur en Kot, ren liki on Kot melel nen arail, ni arail wiawia mau.